Sýnið hvert öðru hlýhug, elsku, vináttu og virðingu!

Með því að virða tilfinningar, vilja og ákvarðanir náungans, gerum við lífið þess virði að lifa því!

Sendu náunganum bros, það getur bjargað degi hans/hennar!

Faðmaðu einhvern á hverjum degi, segðu honum/henni að þér þyki vænt um hann/hana!

Þú ert sérstök/sérstakur, láttu aðra finna að þér finnist þeir líka sérstakir!

Með vináttu og kærleik, sem ekki kostar neitt, getur maður gert stóra hluti.

Góðan dag kæru vinir.
 
Þá verður maður bara að setja eitthvað hérna inn fyrir ykkur.
Við mæðgur (ÉG, Elín Sigríður og Steinunn Bára ) fórum saman á tónleikana með Villa Vill.
Bara frábært. Aldeilis flottir tónleikar það.
 
 Nú það var hætt við ferðina til St.John's þannig að við hjónin förum ekki þangað í ár.
En það átti að fara þann 29.okt-3.nóv . EN, Því miður hefur ferðin verið felld niður vegna alþekktra aðstæðna í þjóðfélaginu.
Svona fór um sjóferð þá. Verra gat það nú svosem verið.


Þá eru það haust verkin í ár.
Ekkert slátur tekið, en við hjónakornin tókum tvær rollur og hökkuðum þær í spað í gær, ´´brjálað að gera í sveitinni´´.
 
Það sem er að frétta af ömmu og afa börnum er að Árna Snæ gengur vel í skólanum, svo er hann er að æfa karate og badminton. Já og gæinn er að verða 10 ára í nóvember. Ragnheiður Mist er dugleg að borða (drekka) og dafnar vel. Alveg að verða 3ja mánaða stúlkan.
 
Pabbi minn kær og góður er búinn að vera á spítala, fór í hjartaþræðingu og þar voru nokkrar æðar sem þurfti að hreinsa.
 
Jæja elskurar hef þetta ekki meira í dag. Ætla að fara að hringja í þau gömlu (pabba og mömmu) og athuga hvernig heilsufarið er á þeim hjónum.
Eigið góðan dag
kv
Adda Bára

 Góðan dag

Ég vakna þennan morgun og vel að hann sé góður
vel að hann sé yndislegur, myrkur og hljóður
ég vel að kúra um stund og staðnæmast við það
hve stórkostlegt sé lífið ef fátt amar að.  

Ég ákveð því að velja að vandamálin fá
vistuð séu hjá mér til þess eins að ljá
tilverunni ennþá fleiri tilbrigði og fleti
ég tek þeim opnum örmum svo nýtt mér þau ég geti.

Og eftir litla stund ég vel að fara á fætur
faðma þennan morgun og allar hans rætur
hita mér gott kaffi af kærleik þess ég nýt
kex smyr með osti í blöðin svo ég lít.


Að endingu ég segi við þig sem þetta lest
þetta er góður dagur, hafðu það sem best
ég óska þess að hugsanir fallegar þig finni
ég faðmlag þér sendi og kveð þig að sinni.

Fékk þennan póst í morgun.
Gott innlegg í góðan dag.

 

Dæmdu aldrei í reiði!  
Reiðin líður hjá en dómurinn stendur eftir.


   
Ef maðurinn finnur ekki frið í sjálfum sér,
 er tilgangslaust fyrir hann að leita hans annars staðar.

   
Þú verður að taka persónulega ábyrgð.
Þú getur ekki breytt kringumstæðunum,
 árstíðinni eða veðrinu,
en þú getur breytt sjálfum þér  -

   
 Virðingin kyssir ennið á. 
Auðmýktin hönd að vörum brá.
Aðdáun vanga velur sér.
Vináttan kyssir hvar sem er. 
Ástin er frekast að því kunn,
að hún vill kyssa beint á munn.
-Fífulogar. 1945-